IDEAL | Arte Digitalen Zentroa

Bartzelonako IDEAL Centre d’Arts Digitals murgiltze arte digitalei eskainitako Europako hegoaldeko lehen zentroa da. 2019an ireki zenetik, arlo horretako erakusketa, sorkuntza, ekoizpen, esperimentazio eta prestakuntzan buru-belarri sartuta dago.

ERRONKA

Teknologia gure bizitzako esparru guztietan dago, baina, harrigarria bada ere, kultur sektorean apurka-apurka sartuz joan da. IDEAL Barcelonaren bidez, Magmaculturak ibilbide luzeko asmoa garatu du, sormena, berrikuntza eta edukiak uztartzeko teknologia erabiltzen duen espazio paregabea sortuz.

HELBURUAK

• Arte digital berriak eta murgiltze-esperientziak sortzeko eta garatzeko espazio bat sortzea.
• Azken aurrerapen teknologikoak aplikatzea erakusketa eta proiektu kulturalen ekoizpenean.
• Publikoak erakartzeko bidean aurrera egitea, narratiba eta tresna berrietatik abiatuta.
• Kultura-sektorean berrikuntza bultzatzea.

ZEREGINA

IDEAL bezalako proiektu batek nortasun propioa duen egoitza bat behar zuen. Poble Nou auzoan, diseinuaren eta ekimen teknologikoen gune garrantzitsuenetariko batean, Ideal zinema zaharraren eraikina dago, 1917an inauguratua eta azken urteetan Kataluniako telebistako programa enblematikoen platoa izan dena.
Magmaculturak, Minoría Absoluta bazkidearekin batera, eraikin horren birmoldaketa zuzendu zuen, murgiltze-arte digitalak erakusteko, sortzeko eta prestatzeko 2.000 m2 inguruko ekipamendua lortuz. IDEALek erakusketa-aretoak eta artistentzako bizileku bat ditu, ekoizpen propioak garatzeko.
Zentrora sartzean, bisitariek Layers of Reality enpresak (bi bazkideek sortua) diseinatu eta ekoitzitako murgiltze-esperientziak eta -erakusketak ezagutuko dituzte. Esperientzia horiek azken teknologia erabiltzen dute arte- eta formakuntza-kezkak adierazteko.
Gainera, zentroko publikoen kudeaketa integralaz arduratzen gara: jendearentzako arreta, tiketak, aretoko informazioa, laguntza logistikoa, publikoen kudeaketa, denda eta gainerako zereginak.

EMAITZAK

• 400.000 bisitari baino gehiago 2020 eta 2022 artean.
• Proiektuaren jarraipena MAD Madrid Artes Digitales irekiz.
• Erakusketen ekoizpena eta koprodukzioa, esaterako: «Monet: la experiencia inmersiva», «Barcelona, memoria fotográfica», «Klimt: la experiencia inmersiva», «Frida Kahlo: the life of an icon», «Pericot, arte expandido» edo «Dalí cibernético».
• Murgiltze-ekitaldiak eta -ikuskizunak, hala nola «Sokkyo» eta «Next to normal immersive».
• Nazioarteko hazkundea, herrialde ugaritan presentzia izanez, hala nola Estatu Batuetan, Austrian, Portugalen eta Belgikan.

PROIEKTUAREN GAKOAK

• Sektorea ezagutzea eta joerak aurreratzeko eta lideratzeko gaitasuna izatea.
• Proiektu berritzaileak eta sendoak bultzatzeko erabakia.
• Murgiltze-proiektu kulturalak kontzeptualizatzea.
• últimas tecnologías.Azken teknologiak etengabe integratzea.
• Kultur produktu digital berriak esperimentatzen eta garatzen laguntzea.
• Proiektu kulturalen diseinu integrala eta publikoaren arreta integrala.