Erdi Aroko ondare arkitektonikoa Kataluniako ondarearen altxorretako bat da. Mugako Gazteluen Ibilbideak Katalunia Berriko gazteluak eta gotorlekuak eta inguratzen dituzten paisaiak ikuspegi didaktiko eta esperientzialarekin ezagutzeko hainbat ibilbide eskaintzen ditu.

ERRONKA

Kataluniako Turismoko Plan Estrategikoaren (2013-2016) helburua zen turismoaren kudeaketa integrala hobetzea eta haren garapena lurraldeen potentzialtasunekin eta plangintzarekin lerrokatzea, haien arteko lehiakortasun jasangarria sustatuz.

Magmaculturak diseinatutako Mugako Gazteluen Ibilbidea plan aitzindari honen barruan kokatzen da. Horregatik, proiektuak kontuan hartu behar zituen esleitutako garapen eremuaren ezaugarriak eta berezitasunak, hots, Kataluniako barnealdearen gaitasunak eta baliabideak, ondare historiko eta arkitektonikoa birbaloratzeko eta lurraldearen errentagarritasun ekonomiko eta soziala bultzatzeko turismo kulturala garatzearen bidez.

HELBURUAK

Magmacultura turismo kulturalean espezializatutako enpresa da eta ibilbidearen diseinuaz arduratzen da, hurrengo helburuak oinarri hartuz:

• Katalunia barnealdean ibilbideen plana eskaintzea, turistak erakartzeko gai izango den estrategia narratibo eta logistikoa duena, eguzki- eta hondartza-opor tradizionalekin apurtzeko eta dibertsifikatzeko.
• Historia eta egungo lurraldearen ikuspegiak uztartzen dituzten kalitatezko ibilbideak sortzea.
• Gazteluen eta gotorlekuen ingurunea erakustea: paisaiak, materialak, merkatuak, jaiak eta abar, bisitarien interesa piztuz, eta lurraldea kohesionatzen eta idiosinkrasia finkatzen duten kontu ez-materialei balioa emanez.
  Ondare-ondasunak kokatzen diren lekuak garatzen laguntzea, sustapen turistikoa eta eremu bakoitzeko artisauen produktu naturalak bultzatuz.

ZEREGINA

Gure proiektua dokumentazio eta ikerketa lanarekin hasi zen, ibilbidearen parte izan behar zuten ondare-ondasunen ezagutzan sakontzeko, ikuspegi historikotik zein arkitektonikotik, ondarea lurraldearekin lotzea ahalbidetuko zuten ainguraketa-puntuak zehazteko.

Informazio guzti honekin, lanari ekin genion:

• Interes-puntu nagusiak identifikatzea.
• Ondare kulturalaren dibulgaziora eta gazteluen inguruko ezagutzara zein interpretaziora bideratutako lurraldeko hainbat ibilbide tematiko diseinatzea izaera esperientzialarekin Erdi Aroan zehar lurralde katalana finkatzeko testuinguruan.
• Produktu turistiko-kultural bakoitza kalitate-parametroekin kontzeptualizatzea eta unitate bakoitzaren berezitasuna komunikatzea.

EMAITZAK

Ibilbideko ondare-ondasunen berezitasuna eta Kataluniaren bilakaera historikorako duten garrantzia turismo kulturalerako aukera osagarria eta aberasgarria da.
Gainera, Mugako Gazteluen Ibilbidea interpretatzeko eta zabaltzeko lanak Kataluniako ondare historikoaren eta geografikoaren zati handi bat berreskuratzen laguntzen du.

PROIEKTUAREN GAKOAK

• Lurraldeko beharrak kultura- eta turismo-aholkularitzaren ikuspegian integratzea.
• Ondare kulturalaren eta naturalaren hedapen-proiektuak egitea.
• Publiko kulturalak garatzeko estrategiak diseinatzea.